«Зиянды заттар – өмірге төнген қауіп»

6 сәуір күні  «Зиянды заттар – өмірге төнген қауіп» атты тақырыпта директордың тәрбие ісі жөніндегі орынбасары К. Жапаров мектепте оқушылар арасында салауатты өмір салтын насихаттау, зиянды әдеттердің алдын алу мақсатында баяндама оқыды.Іс-шара барысында директордың тәрбие ісі жөніндегі орынбасары К. Жапаров оқушыларға зиянды заттардың адам ағзасына тигізетін кері әсері туралы жан-жақты түсіндірді. Атап айтқанда, темекі, алкоголь, есірткі және электронды темекінің (вейптің) адам денсаулығына тигізетін зияны туралы нақты мәліметтер берілді.Сонымен қатар, зиянды заттардың өкпе, жүрек-қан тамыр жүйесіне, ми қызметіне және иммунитетке әсері айтылып, олардың түрлі ауруларға әкелетіні түсіндірілді. Жастар арасында зиянды әдеттердің таралу себептері (қызығушылық, қоршаған орта, достар ықпалы) талқыланды.Іс-шара барысында оқушыларға зиянды әдеттердің алдын алу жолдары ұсынылды. Атап айтқанда, салауатты өмір салтын ұстану, спортпен айналысу, дұрыс орта таңдау және үлкендердің кеңесіне құлақ асу қажеттілігі атап өтілді.Баяндаманың қорытынды бөлімінде оқушыларды өз денсаулығына жауапкершілікпен қарауға, зиянды әдеттерден аулақ болуға шақырды. Іс-шара «Денсаулық – зор байлық, зиянды әдет – сор қайғы!» ұранымен аяқталды.